“Номын соёлт ертөнц” ТББ дэргэдэх “Номын ертөнц” клуб хоёр нас хүрлээ. Номд дуртай залуус 2005 онд нэгдэн “Номын ертөнц” хэмээх оюунлаг, гэгээлэг нэвтрүүлгийг арван хоёр жилийн турш бэлтгэн телевизэд нийлүүлж, үзэгчдэд хүргэн нэгэн арванг нийтийн уншлагыг сэргээхэд хүч хөдөлмөрөө өргөсөн билээ.

Тэгвэл залгамж халаа болсон ирээдүйн номын ертөнцийнхөн хүмүүнлэг, хэвлэл мэдээлэл, сургалтын гэсэн гурван хороотой дотооддоо өөрсдийгөө хөгжүүлэхээр чармайн суралцаж байна. Бид 2021 онд 15 жилийн ойгоо тэмдэглэхээс гадна 29, 30 удаагийн баяраа зохион байгуулна.

Үүнээс гадна номын соёлыг түгээх олон талт ажлыг санаачлан хийхээс гадна тогтсон хугацаанд “Номын ертөнц” сэтгүүл уншигчдадаа хүрч, хуваарийн дагуу “Номын ертөнц” клуб маань хичээллэж, номын сан ажиллаж, нэвтрүүлэг, ном хүргэх, хандивлах, бэлэглэх ажил үргэлжилсээр...

“Номын ертөнц” нэвтрүүлэг 650 дугаарыг үзэгчдэд хүргэн 2018 оноос завсарласан ч ач нөлөөгөөр номын эргэлт нэмэгдэн, номын тухай яриа эрчээ авч, мэдлэгт суурилсан эдийн засаг хөгжихөд багагүй хувь нэмрээ оруулсан шиг залуу үе маань ирээдүйг гэгээлгээр өөрчлөхөөр биеэ бэлдэцгээж байна. ӨмнөхДараах