“Номын соёлт ертөнц” төрийн бус байгууллагын дэргэдэх “Номын ертөнц” клубээс санаачлан жил бүр зорилтот уншигчдад чиглэсэн 50 номын жагсаалтыг зарладаг билээ. Энэ жилийн тухайд “Амьтдын тухай 50 ном”-ын тэмдэглэлийн уралдаанд нийслэл болон орон нутгийн ерөнхий боловсролын сургуулиудын 1-12-р ангийн 1500 гаруй суралцагч бүтээлээ ирүүлсэн бөгөөд  бүтээлүүдийг Оросын шинжлэх ухаан соёлын төв буюу РЦНК дээр арванхоёрдугаар сарын зургааны өдрөөс есний хооронд буюу дөрөв хоногийн хугацаанд үзэсгэлэн болгон дэлгэлээ.